周柏豪恨生女怨無暇照顧
歌手周柏豪與何雁詩、鄭俊弘、譚嘉儀、胡鴻鈞及菊梓喬等參與賀年節目錄影，齊齊玩遊戲及大談狗年願望。榮升人夫的柏豪講到生兒育女，他直言好鍾意小朋友：「如果生小朋友，我鍾意女，能力係有，但覺得自己超級冇時間，我忙到連架車都照顧唔到，點去照顧下一代。」
單身的譚嘉儀亦開到口恨拍拖：「我招親招咗好耐都唔成功。（想要邊類型男仔？）希望好似胡鴻鈞同林師傑嘅合體。」胡鴻鈞的狗年願望是身體健康：「之前成日病，希望自己身體健康，亦希望跟唔同嘅音樂單位合作，努力實現開音樂會。」何雁詩就希望唱歌及高爾夫球有所成績，甚至打入亞運。
