陳家樂未有「婚」數 湯怡唔恨嫁
英皇藝人湯怡、陳家樂和麥子樂踏入農曆新年便相約食開年飯，互祝狗年工作順利之餘，更齊齊「撈起」勁食醒胃賀年菜式！問到各有另一半的湯怡和陳家樂會否在狗年辦喜事，二人都表示要先努力工作。
肖兔的湯怡自言很迷信，會圍住桃花轉行運：「我係寒命人，今年會好！同埋我每年都會圍住桃花兜圈，但每年都唔記得到底係順時針定逆時針兜。」提到新年願望，湯怡就最想今年年中上映、首次擔正的新戲《某日某月》可以大收旺場。肖羊的麥子樂亦自言好迷信，過年前例必去大坑蓮花宮睇運程：「師傅話得(口架)喇，去到60歲就唔使憂，但佢每年都係講呢句！」他希望今年可以在事業上繼續進步，更想踩過界擔任導演，搵湯怡同陳家樂做男女主角。
麥子樂愛自由
問到肖虎的陳家樂會否打算與女友余香凝在狗年拉埋天窗，他即說：「未咁快！做吓嘢，儲吓錢先。（有冇睇埋佢運程？）佢好好！上年開始都好好機遇，收入同人氣直線上升，我都有啲壓力，唔可以畀自己停！」記者笑指與洪卓立拍拖的湯怡早已到適婚年齡，但她坦言遲少少先嫁：「唔好講到我咁恨嫁，我事業為重！」問麥子樂會否羨慕兩位蜜運中的好友，單身了一排的他即說：「我鍾意自己一個人多啲，自由啲！」問新年是否有必做事情，陳家樂即笑指自己必定會先增肥後減肥：「因為年年都食好多嘢，上年我一次過食咗五底糕，一到初五就要減肥。」
文：影視組
服裝：Jack Wills
場地：城寨風味
鳴謝：Barry@relaxdearhk