緣分的豬豬 謝東閔代朱朱放狗
藝人謝東閔與朱智賢（朱朱）傳緋聞，卻不認戀情，農曆新年期間謝東閔帶愛犬Romeo及豬豬行大運，更帶同朱朱的愛犬Donut同行，此舉令二人的關係明朗化！
謝東閔指朱朱是愛狗之人，因有工作在身，故代她照顧Donut：「佢同我住得近，咪擺Donut喺我度幫佢睇住，佢有時都會幫番我。（你隻狗都係叫朱朱（豬豬）？）係囉，咁啱嘅！豬豬我識咗8年，佢一出世就咁叫。（會去朱朱屋企拜年？）唔會，若果就到時間可能成班朋友約出嚟玩。」
現時謝東閔正在拍無綫劇集《丫鬟大聯盟》，談到新年願望，參加歌唱比賽入行的他，希望變老之前能夠有自己的歌，望能完成小小心願。
