連詩雅字作聰明亂噏一通

昨日年初二，六人坐埋食開年飯，已為人夫的柏豪自言最懷念外婆的蘿蔔糕、炸角仔。鄭融是福建人，習俗會用南瓜來做黃金糕，今年反傳統，和同輩親戚為長輩下廚。問到柏豪可會下廚？他笑言無謂「較飛」：「都係留畀專業人士即阿媽、岳母同太太搞，我都係喺梳化瞓吓睇吓電視，都好辛苦o架！」

雨僑Hea住嫁

「番書妹」Shiga自爆去年已親自整蘿蔔糕等糕點，鍾浠文就推介紅燒糯米肉丸子的新年菜式。柏豪笑問：「幾時煮畀我哋試吓？」鍾浠文即說：「你派咗利是先啦！」搞到眾人起哄。3月底當狗年新娘的雨僑自認最Hea，全盤交給未婚夫羅力威話事：「我都未知有乜做，Book咗個場，請啲人嚟，自己夠鐘咪去囉！」

周柏豪派利是，連詩雅（左起）、鍾浠文、鄭融、雨僑及黎紀君各有得着。	連詩雅的「水皮」中文，又鬧笑話。	即將嫁人的雨僑，乜都唔使理，有「夫」代勞。

眾人食完開年飯後，壓軸環節是「柏豪派利是」，他說：「呢個利是有啲特別，係寫滿我送畀佢哋嘅祝福語，錢嘅利是大家都有喇，但我嘅祝福大家就未有嘞！」五女即大呼：「好值錢呀！」拿得利是的她們都心急「大文豪」會贈些甚麼？不懂中文的Shiga看完就說：「曾土一曾土？」柏豪即說：「啋過你把口咩！」Shiga說：「唔係『++﹣﹣』咩？」鍾浠文即幫拖說：「係更上一層樓」。柏豪指Shiga今年踏入30歲人生另一階段，希望她任何方面都「更上一層樓」！

鄭融跳得唱得，繼續勁歌熱舞。

周柏豪率領幾位師妹齊齊食「撈起」。

鄭融繼續「火辣」

而鍾浠文因有不少網上工作，獲柏豪贈「Like」字，鄭融則是「勁歌熱舞」，祝願她新一年在舞台上繼續「火辣」。即將出嫁的雨僑獲贈「幸福美滿」，黎紀君剛榮升小店老闆，「一本萬利」最啱聽！至於柏豪就獲本報送上「好」字，有女有子湊成「好」字，柏豪說：「嘩，咁真係好呀，有氣有力，事業好、身體好、新年好喇，多謝大家。」

文：音樂組　攝：劉智源

場地：李公館

服裝：周柏豪：Catxman、連詩雅：Iijin

鄭融：Max & Co.、黎紀君：iZZUE@ithk

鍾浠文：Michael Kors、雨僑：mi-tu