張繼聰立場一致撐Kay問心無愧

由藝人黃子華及佘詩曼領銜主演的賀歲片《棟篤特工》前晚在九龍灣舉行首映禮，張繼聰、蘇麗珊、鄭欣宜和鄧月平亦有出席，場面星光熠熠。

提到老婆Kay對流感疫苗的看法近日引起各界回響，張繼聰直言有關言論其實只是私人對話，絕非公開呼籲市民停止接種疫苗，又自言與老婆有共識，立場一致：「雖然專家同醫生為保障大家健康而付出好多努力，但我哋兩個對西方醫學係有唔同睇法。」

謝安琪	C君（左起）深得黃子華及佘詩曼的歡心，獲讚「長江後浪」。

問會否覺得有關部門或專家反應過大？阿聰自言不會評論：「有啲聲音話唔係專業就唔好講，但我覺得大家其實都可以自由討論，拍咗套戲後唔講得就冇影評呢樣嘢。咁十八歲前都冇人係專業，佢哋都唔講得嘢，個世界會好悶，我覺得世上（口既）嘢係可以了解同時提出疑問。」又指兩公婆只是想各位可健康過年：「最緊要係問心無愧！」

蘇麗珊以露背裝束性感亮相。

眾演員齊集睇首映。

子華交棒畀C君

此外，提到子華讚C君是「長江後浪」，問子華是否捧對方做接班人？他笑說：「佢點止接我，仲接埋嘟嘟（鄭裕玲）！有佢同陸永，我哋直頭可以休息。佢唔止鍾意做幕前，仲鍾意做埋幕後，下套戲可以捧紅我同阿佘。問嘟嘟啦！佢好多錢投資！」問到阿佘是否同樣好鍾意C君，她即搣C君的面珠：「梗係鍾意啦，咁可愛！人又好、口才又好、戲又好，仲請我哋去佢屋企打邊爐，淨係大汗咗啲啫！」

阿佘黐鬚扮觀眾

子華又笑指自己好緊張，驚到咇膽汁，不敢叫朋友撐場。提到打算喬裝入場睇觀眾反應，他笑言若觀眾見到有人二撇雞兼哨牙就必定是他，問阿佘會否都喬裝入場？子華即笑她只會「喬靚」，阿佘即說：「咁我都黐二撇雞囉，唔係點啫！」

文：影視組