袁偉豪照親熱：我好壯!
藝人袁偉豪接森美棒擔任維特健靈頭髮產品代言人，他昨日以西裝造型拍攝廣告，透露簽了兩年合約，對酬勞感滿意，又自爆曾受脫髮問題困擾，幸好學懂保養身體後情況明顯好轉。
情人節做「煮人」
談到將與女友張寶兒度過首個情人節，袁偉豪表示已搵定食譜，準備親自下廚炮製大餐。對於女友公開讚他廚藝叻，他謙稱：「一般啦！（女友病咗？）少少唔舒服。（親熱驚唔驚被傳染？）唔怕，我好壯嘅。」問到會否買戒指作為禮物？他笑說：「急咗啲，買咗到時（求婚）又買第二隻咩！」
而張寶兒昨日抱病現身開鏡拜神，估計是早前到泰國工作時，未能適應與香港的溫差而病倒，問到有否傳染男友？她說：「希望冇啦！（情人節冇得錫錫？）嘻嘻，希望快啲好番！」