林師傑歐陽巧瑩擺酒有壓力
藝人林師傑早前向拍拖4年的女友歐陽巧瑩（Tammy）求婚成功，今年11月23日拉埋天窗。師傑坦言一向沒大事慶祝節日，不過想在婚前過一個浪漫的情人節。早前他與Tammy夾手夾腳整翻糖曲奇，未食先甜。
死撐唔認錯
師傑透露婚期由老闆何哲圖擇日，對方揚言若找不到場地，可以回公司做簽字儀式。Tammy則表示仍未決定擺酒還是旅行結婚：「其實我哋覺得唔使大搞，但親戚朋友好多，我哋好初步寫低要請咩人，寫寫吓都成200人，諗起都覺得好麻煩。」師傑直言擺酒有經濟壓力，故考慮搞中午Cocktail Party。
談到兩人拍拖的難忘事，Tammy笑言拍拖初期，與師傑嗌交時死撐不道歉：「我同佢撐到行o架！有時知係自己唔啱都會死撐，佢就唔理我嘅，因為佢個人比較理性，我就唔係。依家一齊耐咗，大家嗌完交會一齊道歉。」
場地：Cake Aholic