照顧兩狗大細超小儀唔認偏心

家中飼養了兩頭狗仔的阮小儀，經常在社交網跟粉絲分享與愛犬的生活趣事。小儀說：「Dee Dee今年就14歲，而細佬佬就快5歲，兩隻都係囝囝，佢哋冇血緣關係，但佢哋關係良好。細佬佬係我媽咪朋友嘅狗仔生，我哋揀咗佢，因為佢好似Dee Dee。」
小儀坦言經常帶Dee Dee去街，但不覺自己偏心。
小儀坦言經常帶Dee Dee去街，但不覺自己偏心。

小儀錫兩隻狗仔錫到燶，但笑言有朋友覺得她偏心Dee Dee：「佢哋話我偏心，但我自己唔覺嘅，兩隻我都咁錫，如果喺時間分配上有冇偏心呢？係有嘅，Dee Dee係我第一隻養嘅，以前又乜都唔識，我係帶多啲佢去街，仲有帶佢去愛護動物協會上堂接受訓練，細佬佬完全冇，因為我自己學咗啲伎倆喺屋企教佢，佢係少啲見人，不過我都好錫細佬佬。」

Dee Dee（左）與細佬佬關係良好，沒有出現爭寵。
  • Dee Dee（左）與細佬佬關係良好，沒有出現爭寵。