湯洛雯情人節換畫 同謝東閔過
藝人湯洛雯前晚以露肩裝現身手機遊戲活動，提到情人節將至，她表示當日要開工，問到男友羅天宇屆時會否探班送驚喜？湯洛雯說：「唔知，你問佢，我真係唔知會唔會一齊過，應該會同謝東閔過。（揀咗禮物未？）我向來唔係好重視禮物嘅人，所以冇。對我嚟講情人節唔緊要，聖誕重要啲，但之前聖誕我都要開工，不過做得呢行大家都明。」
另外，提到早前被拍到與人夫黎諾懿撐枱腳食麵而傳緋聞，湯洛雯笑言：「我同佢識咗咁多年先傳緋聞已經係一個謎，仲要我咁少緋聞，第一個係同佢傳，黎諾懿話佢老婆靚過我勁多！（男友有冇問番你？）當然冇，佢同黎諾懿都好Friend，當係笑話一則。」
