杜德偉護「髮」不力激嬲囝囝
昨日是杜德偉（Alex）56歲生日，其太太踏正零時就為他送上驚喜蛋糕，歲半大的囝囝都一起分享這份甜蜜禮物。昨午Alex窩心地跟追隨他超過十年的粉絲搞了個BBQ聚會慶生，當中更有來自海外的粉絲專程來港，所以他要出盡三語跟大家溝通。待粉絲如朋友般親切的Alex，除了肉緊地抱起粉絲的小朋友，更自爆激嬲囝囝的經過！Alex笑言：「早前帶囝囝去剪頭髮，因為驚佢郁嚟郁去，於是我抱實佢畀髮型師剪，結果囝囝嬲咗我兩日！可能怪我咁『危急』嘅情況下，都唔保護佢。」非常搞笑！
粉絲又特意為Alex訂造了精美的翻糖蛋糕，插在地球上的金咪寓意其歌聲響遍全球，粉絲更自備航拍機拍下珍貴片段，令他愛不釋手。總括過去一年，Alex最開心成為首個華人得到Billboard的Icon Award，他說：「以前獲得呢個獎項嘅，都係外國頂尖嘅歌手，所以我覺得好榮幸。」
同太太撐枱腳
Alex又透露情人節將撇甩囝囝與太太拍拖撐枱腳：「兩個人食餐飯已經好甜蜜，唔使咁複雜，反而農曆新年就會特別啲，我同太太會第一次帶囝囝出埠去上海探親，同屋企人過一個傳統啲嘅農曆新年。」
文：音樂組