陶大宇撐老友愛駒有斬獲

藝人陶大宇昨日與何傲兒及朱慧敏分別現身馬場，陶大宇表示專誠捧好朋友場，有少少收穫，贏了好彩頭：「我朋友隻愛駒『霸勝』跑第二，我有買到位置贏咗二千幾蚊，攞個Luck！其實都係玩吓，主要係嚟同朋友聚一聚，食吓嘢。」他透露之前不停飛，工作在新年前已完成，現已收爐，初十才開工。問到不停到外地登台，是否過肥年？他笑說：「咁有工作就會有收入，都OK啦。（會否去旅行？）唔會，喺香港休息吓，之前飛太多，見到機場都怕！試過一星期飛四、五日，日日換酒店，天氣咁凍都辛苦，好彩今年航班冇咩延誤，唔使喺機場呆等。」