譚凱琪爆龔嘉欣成日(目及)嘢！

藝人龔嘉欣、譚凱琪（Zoie）、沈卓盈、黃浩然與阮兆祥等，前晚出席《平安谷之詭谷傳說》結局飯敍，嘉欣與「少婦聯盟」好姊妹Zoie齊齊着及膝長Boot，甚有默契。經常在社交網分享姊妹靚相的嘉欣，預告農曆新年將有新一輯相片：「唔激嘅，都有啲再性感少少，不過就嚟情人節，佢哋另一半可能會投訴，等我再Po啦！」Zoie則表示考慮再一齊拍性感相：「想再影啲唯美嘅，可以一齊裸背，或者齊齊浸溫泉、做Spa，總之係健康嘅。」

拍旅遊節目騷身材

嘉欣笑言正爭取開拍旅遊節目《少婦聯盟去旅行》，又提議挑戰互揀泳裝，問到是否已掌握眾成員的三圍數字？嘉欣笑說：「目測都睇到啦！」Zoie則爆料：「佢成日(目及)嘢(口架)！」嘉欣讚眾姊妹身材各有優點，而她的優點是小蠻腰及長腿！問到其他人又如何？她說：「我唔敢講呀，最好梗係沈卓盈，佢最高挑！」Zoie就指自己背脊最靚。

龔嘉欣（右）、譚凱琪不愧是好姊妹，着Boot都要同色同款。	沈卓盈身形高，成為姊妹眼中的優點。	囝囝提前放年假，黃浩然要重新安排活動。囝囝提前放年假，黃浩然要重新安排活動。

黃浩然陣腳大亂

同場的浩然講到《平安谷》反應好，希望原班演員再開劇，對於小學及幼稚園因流感停課，身為爸爸的他坦言亂了陣腳，至於歌手謝安琪就疫苗發表見解被流出，他說：「作為父母係明白嘅，依家資訊發達，好多時都要經過討論去過濾資訊。」他沒加入家長群組，而且工作太忙無暇消化資訊，只好由太太代勞。

文：影視組