Tommy囝囝爆喊 Alan脷疊脷HeHe搶Fo

組合E-Kids前晚在旺角麥花臣場館舉行一連兩場演唱會，雖然入座率僅七成，但觀眾反應熱烈，Tommy、Tim分別染了橙色及藍色頭登場，Alan就駁了長辮，三子又跳又唱以《最佳表情》掀序幕，之後更落台握手，全場High爆。唱完《一二三四》後，Tommy問大家是否想睇腹肌，Tim及Alan即搞爛Gag指是「覆機」，Tommy又自嘲「三條蛋散」估唔到可以連開兩場騷。

辣身舞送咀嘴

其後Tommy的囝囝由Alan抱出場，最搞笑是BB甫出場就爆喊，直至Tommy抱着BB揮手時才收聲，他笑言囝囝適應了大場面！但此一高潮位都不及Alan獨唱《芳華絕代》時，與一男一女舞蹈員大跳辣身舞，並與男舞蹈員咀足10秒，令觀眾驚訝尖叫！而擔任嘉賓的張立基，大騷麒麟臂說開心：「我都年輕咗，今日都扮潮啲，驚襯唔起！」

Tommy抱住囝囝，囝囝喊到收唔到聲！	組合E-Kids前晚開騷，Tommy（左）形容為「三條蛋散」開個唱。	張立基做嘉賓大騷麒麟臂。

觀眾冇眼睇

完騷後，Tommy帶埋囝囝阮治童（Caesar）受訪，太太就不想上鏡，Tommy笑言：「一直覺得冇乜嘢畀到個仔同老婆，咁多年都係啲唔好（口既）新聞，大家可能以為我逃避，但唔係，只係想等到呢刻，光明正大同所有人講，我係做咗爸爸（口架）喇，希望可以畀個肯定。」並笑言成世人最幸運除了做E-Kids，就是識到太太及有個可愛囝囝！至於Alan談到與男舞蹈員激吻，他踢爆對方「伸脷」：「條豬橫脷留番我舔，因為佢哋兩個都有老婆，我未有，係我一大挑戰！」Tommy笑言：「對觀眾都係，見到有啲人掩眼，其實我哋有預備定嘔吐袋。」本來他們找了艾粒做嘉賓，但因節目編排太密而刪了，覺得不好意思。

文：音樂組