同張寶欣演情侶丁子朗落閘拒發展
丁子朗及張寶欣早前為無綫拍攝情人節宣傳片，先後到觀塘、尖沙咀及中環取景。飾演情侶的二人對足近20小時，子朗笑言：「我哋拍足一日拖。有幾幕我哋喺架船度攬，又做好多情侶甜蜜嘢，但就冇親熱鏡頭，一日之內唔可以咁進擊！」他透露合作前早已與寶欣見過面：「我同佢家姐（張寶兒）喺一啲聚會上見過佢，但完全唔熟。到佢選港姐嗰年，我做『港姐大使』，但都冇乜點去認識對方。」
子朗表示與對方合作很開心，大讚她是經常笑的女孩，但拍攝初時不太相熟，扮演情侶會有點尷尬：「攬嘅時候又要好浪漫但又怕醜。（怕唔怕傳緋聞？）唔怕，因為啲人都係覺得我哋兩個做得好、做得真，都係一件開心事。不過現實生活中就冇乜可能。」
