尤蔭蔭歐洲開工一腳踢

藝人尤蔭蔭早前到瑞士為一間金融機構舉辦的活動擔任主持，她指由接Job到起飛，過程緊迫：「雖然我有去過歐洲，但係第一次去瑞士，工作係星期五接，星期一就要飛，時間非常緊迫，我都係自己一個人飛去蘇黎世，再轉車去達沃斯，到埗後用咗3個鐘去寫晒啲講稿，包括第二日嘅四個簽約儀式同一個晚宴，成個Trip嘅稿、化妝、整頭、服裝、主持一腳踢，我覺得做完呢個Job後，信心大增，已經冇嘢難到我！」
尤蔭蔭為簽約儀式及晚宴擔任主持。
尤蔭蔭為簽約儀式及晚宴擔任主持。

尤蔭蔭透露此行遇上堪輿學家李丞責及劉倩婷：「我喺一個晚宴度幫李丞責將啲風水內容，由普通話即時傳譯做英文，風水詞彙用英文去講並唔容易，過程中我都增進咗呢方面嘅知識，我又把握機會請教李丞責點樣可以催旺愛情運，佢都教咗我好多！我希望新一年可以多啲出埠工作，增廣見聞！」

李丞責與太太劉倩婷結伴出埠工作。
  • 李丞責與太太劉倩婷結伴出埠工作。