譚嘉荃慢工出新歌不忘投資

歌手譚嘉荃（Amy）近年多推出以慈善為主的歌曲，最近終推出流行曲《插翼難飛》，Amy坦言已經準備一段時間，皆因想慢工出細貨：「填詞都填咗兩次！我自己都鍾意，曾經喺一個活動唱過，大家都好喜歡。（有久別重逢嘅感覺？）之前都有試過合唱，但今次獨唱又唔係慈善，所以真係好開心。（咁好反應再下一城出第二首？）咁又冇咁諗，反而想做舊曲翻唱嘅歌，想做一隻合唱嘅HiFi碟。」

目標開實體店

除了再度唱流行曲外，Amy近日與朋友投資約五位數字，做老闆兼宣傳大使賣水耕菜，她說：「呢個係用水嚟種植嘅水耕菜，其實因為好多泥土都被污染，水耕菜可以避免到。依家主要喺網上做零售，希望今年可以開實體店，不過開咗實體店又係另一樣嘢，因為香港租金都幾貴。」

譚嘉荃並非首次做老闆，曾有不快經驗。	譚嘉荃投資五位數字賣水耕菜，環保又健康！	譚嘉荃愛做善事，不時作慈善演出。

問到做老闆會否感到壓力大，Amy透露並非首次做生意：「其實唔算壓力太大，相比之前開過時裝店，做咗兩年當時好大壓力！嗰陣我又要睇埋舖，開唔到單又好大壓力！嗰陣我會自己幫自己開單，買番自己啲衫，找錢畀客又會找多。」

文：專案組　

攝：張福宏　

場地：富豪香港酒店　

化妝：Heidi Lee＠Heidi-Makeup.com