可嵐搭長途車被迫聞屎
歌手可嵐日前以表演嘉賓身份出席慈善活動，她稱三年前有份籌50萬為廣西山區建學校，令過百學童受惠，學校的磚上更刻有她囝囝的名字表謝意。她又指兒子現年7歲，最希望帶他返內地作慈善探訪：「我覺得身教好重要，要畀佢知自己有幾幸福，我都叫佢捐啲唔玩嘅玩具，送畀內地嘅小朋友。」
農曆新年將至，可嵐透露年初一帶囝囝返家鄉新會過年：「我婆婆都成90幾歲，想多啲時間陪老人家。」問到可擔心屆時返內地要「逼車」？她稱：「年初一啲人都應該走晒，相信唔會太逼。但有次我同囝囝返大陸，因為節日關係大塞車，本來5個鐘車程變13個鐘，由於時間太長又冇得去廁所，我喺車上聞到有大便味同聽到膠袋聲，我諗係有老人家忍唔到，要喺車上解決啦。」