尚羚正能量打氣走訪3年有得「爵」
有結他手老公阿正支持唱歌的尚羚（Sherine）正式進軍樂壇，老公除了為她度身訂造歌曲，早前二人更一齊飛到紐約進修，正在學習法文的她，希望將來有機會唱法文爵士歌。
樂隊RubberBand成員阿正太太尚羚（Sherine）曾是「馬來西亞小姐」冠軍 ，正式以爵士樂歌手身份加入樂壇，捨棄本名黃淑玲以藝名尚羚出道。Sherine解釋一直鍾情「尚羚」這兩個字：「唔想搵一個同Sherine隔得太遠嘅名，用時尚嘅尚我覺得好適合我，我本身唔識中文，羚同我本身個玲唔同，因為我學寫『羚』字時，覺得呢個字好靚，最後揀選咗『尚羚』。」
度身訂造《打嗝歌》
早前Sherine推出首張同名HiFi發燒碟及舉辦一場音樂會，她表示是一個開心經歷：「可以請番監製、音樂人一齊演繹。（老公當晚到場支持？）有呀，今次佢都有好大嘅參與度，幫我寫咗首歌《九月的Paris》，仲有首係我同佢一齊寫嘅《打嗝歌》，兩首歌都係度身訂造，唱得好舒服。」
籌備發燒碟期間，Sherine花了三年時間走訪不同地方學爵士樂：「當中有去新奧爾良接觸佢哋嘅音樂，又有去紐約搵老師，亦有參加爵士樂Camp，試過同啲好細個嘅小朋友上堂。」她還笑言正在學習法文，因為好想唱法文爵士歌。
想踩過界演戲
Sherine很感激老公支持，不時會提供意見：「最近有一齊去紐約，佢去學爵士樂結他，希望之後再有機會合作。」問到之後會有何目標？她希望再出碟：「好掛住錄音過程，依家有好多Ideas。」除了音樂，她對演戲亦甚感興趣，只要有合適及有趣角色，她都希望演出。
文：音樂組
攝：秦健輝
場地：Studio1
髮型及化妝：Sandy Wong & MerryMarry