徐綺雯搵奧雲做生招牌

模特兒徐綺雯（Candy）嫁予百億製衣太子爺Simon，育有一子。專心相夫教子的她，近期創立自家運動品牌，頭炮請到國際足球巨星米高奧雲（Michael Owen）擔任代言人，早前拍攝了一輯宣傳照，Candy與老公帶同囝囝探班。
徐綺雯與老公帶埋囝囝探奧雲班。
徐綺雯與老公帶埋囝囝探奧雲班。

Candy透露老公希望擁有自己的品牌，覺得現在時機成熟：「我哋籌備咗一年，依家啲人好興着運動服，我哋搵咗Michael Owen。（重金禮聘？）佢友情價，因為我哋認識，佢同我哋品牌理念好啱，我公司叫Anifa，來自Animal Farm，而Owen好鍾意動物，又有養馬，見到無家可歸嘅動物會收養佢哋，所以佢屋企好似農場咁，而且佢係運動員，好啱我哋形象。佢之前為咗拍呢個宣傳照，專程減肥40磅。」他們亦特別為奧雲系列花心思：「我哋將Michael Owen嘅lO英文字，以數目字10代替，10號係佢嘅球衣，對佢特別有意義。」

奧雲收友情價做代言人。
  • 奧雲收友情價做代言人。