甄詠珊蒸水蛋Easy Cook
藝人甄詠珊（Carisa）平時唱得又演得，原來對煮食都有研究，她自爆第一次煮飯失敗收場，但失敗乃成功之母，現時已是手到拿來，更喜歡煮複雜菜式，希望將來找到一個欣賞自己廚藝的男人！今次她捨難取易，為東網巨星節目《星級煮意》煮一個非常簡單的餸菜「蒸水蛋」。
Carisa表示自己沒有特別拿手菜，但喜愛煮一些複雜的菜式，除了要挑戰自己外，最重要是本身喜歡食，她說：「最叻係炒飯，要花好多心機去不停壓同炒。」
煮十幾個人飯餸
她於6歲時已開始自動自覺入廚房幫手拔雞毛，到13、14歲真正煮飯，她說：「當時屋企冇人，但表叔嚟咗屋企，喺冇人教嘅情況下煮咗個三色飯同炒豆角，整出嚟唔係太好食，都好感激表叔食晒。」
除了家人之外，前男友及朋友都試過Carisa的廚藝，她說：「有次同嗰時男友同佢啲朋友聚會，我就負責煮十幾個人嘅飯餸，好開心。（娶到你咪好幸福？）我咁Man！依家男人同以前唔同，以前要賢妻良母、煮飯叻，依家佢哋未必想要，最緊要幫到佢手，希望搵到個欣賞我嘅男人啦！」
杜汶澤愛食材原味
「星級廚神」杜汶澤為大家提供小貼士，認為可以將蛋和豬肉一齊蒸，亦唔需要落雞粉，因為會影響到食物原本味道，他說：「呢啲係好多家庭主婦嘅習慣，係對嗰樣嘢本身個味冇信心。」東網巨星節目多元化，大家可透過東網app及東網網頁，隨時隨地免費收看及重溫。
文：名人組
https://goo.gl/PYeXaA