張敬軒呻老闆難做：後生仔冇交帶

歌手張敬軒（軒仔）昨日到電台宣傳新歌《缺》時，對於MV的首月點擊率破百萬表示欣慰。而最近榮升餐廳老闆的他分享做生意時遇上的難處：「你係估唔到洗碗姐姐有幾難請，同埋啲後生仔會突然話走就走，好冇交帶！試過有一晚樓面突然少咗三個人，我都要落場幫手，原來托盤係好唔容易，結果我差啲倒瀉晒。」
張敬軒表示開餐廳雖然有不少挑戰，但亦獲益良多。
張敬軒表示開餐廳雖然有不少挑戰，但亦獲益良多。

不過軒仔認為有挑戰亦有得着：「打開門做生意真係咩人都有，開餐廳學到好多嘢，係好考驗智慧。自此我出去食飯都會降低啲要求，因為知道有幾難做。」他又說很多客人會要求他唱歌：「有啲客人一坐低就擺明自己係消費者，會叫我過去話可唔可以同我影張相，又有啲客問我唱唔唱歌，我都會好禮貌地話唱歌要問過公司先，好彩生意都幾好。」

張敬軒的餐廳開張時獲不少藝人同事拉隊撐場。
  • 張敬軒的餐廳開張時獲不少藝人同事拉隊撐場。