周柏豪畏高搭纜車喊驚
藝人周柏豪與顏卓靈昨日現身昂坪360，為新推出的360VR體驗館擔任開幕嘉賓。超過10年沒坐纜車的柏豪自認畏高，笑指搭水晶車廂感害怕，而首次坐纜車的顏卓靈即整蠱對方，叫對方在纜車運行時企起身。
農曆新年將至，柏豪表示終於可以放假兼吃蘿蔔糕：「因為做巡迴演唱會已經戒口戒咗9個月，今個新年可以休息，3月再開工。（情人節呢？）同新年一齊過o架啦。（準備禮物？）利是囉，畀我父母都出雙糧。（派六位數字？）雙糧係雙糧，仲會有花紅。」問顏卓靈會否到男友白只家拜年？她說：「佢唔喺香港呀，佢新年都會去旅行。」