「監生轟炸」乜兒歌都識東東為囡囡做伴唱
歌手陳曉東明晚在澳門開演唱會，連日來他專注練歌排舞，太太王妤嫻貼身照顧，東東日前綵排時，更讓3歲長女朵朵和2歲細女多多「踩場」初試啼聲。家姐朵朵先帶頭唱兒歌，妹妹便跟着唱，完全不怯場，更愈唱愈放，廿四孝老竇東東反而變了女兒的Fans全程伴唱，最搞笑兩個小公主唱到不願停，東東笑說：「是爸爸的演唱會，不是你們呀！」
靠雪糕氹掂
見到東東一字不漏跟着女兒唱兒歌，他說：「監生轟炸咗四年，全部識唱。（為兩個女錄首兒歌？）如果有好嘅卡通片再唱都得，兒歌係好美好正面嘅世界，所以我冇教佢哋唱我啲情歌住，怕老積。」對於兩個寶貝女精靈表現東東當然冧爆：「放心晒，但唔知佢哋到時上到台係咪都咁High！（佢哋好有表現欲？）係喎，係幾犀利，平時妹妹比家姐木訥啲，但今日佢好High。不過，到時佢哋上台，我都會準備定雪糕，萬一有乜蝦碌，就出『冰淇淋、冰淇淋』氹佢哋。」東東忍不住說女兒唱得比他High之餘還搶咪。
開騷在即，東東感謝太太照顧有加，不時有湯水滋補。說到歌迷期待他紅館開騷，問到是否快有好消息？東東說：「希望啦，多謝大家一路幫我詢問，一齊咁肉緊件事，但明白急唔嚟。」
文：音樂組
攝：李柏儒