孫慧雪囝囝六個月大識示愛

藝人孫慧雪昨日到銅鑼灣街頭派香蕉，呼籲關注精神健康，近期忙湊仔的她自言精神壓力大：「尋日帶BB去打防疫針，返到屋企BB就鼻塞，擔心到五點先至瞓得着！其實如果唔係為咗打防疫針，都會閉關唔帶BB出街。」但最後未能為BB打流感針，因流感疫苗已斷市。
孫慧雪透露生完仔後曾重達140磅，目標減到110磅。
孫慧雪透露生完仔後曾重達140磅，目標減到110磅。

講到被指產後半年仍未減磅，阿雪笑說：「依家乜都有壓力，體重都有壓力！其實已經瘦咗，依家大概130磅，希望減20磅。暫時都唔會生BB住，因為啲脂肪就好大鑊。」提到兒子現時六個月大，開始學爬及講BB話，阿雪笑說：「佢識得同我講『I love you』，我好肯定冇聽錯o架！」

  • 放大圖片
孫慧雪街頭派蕉，吸引不少途人注目。
  • 孫慧雪街頭派蕉，吸引不少途人注目。