洪永城搣甩「二撇雞」黃心穎讚Young

洪永城、黃心穎與張美妮等昨日於將軍澳電視城古裝街拍攝新劇《丫鬟大聯盟》。現場所見，洪永城突然搣甩「二撇雞」，與早前的造型不同，他解釋是收集意見後作出改變。問到是否因「二撇雞」造型被指鹹濕，他說：「我唔用鹹濕界定呢件事，《張保仔》嘅鬚係粗獷啲，我可以做到粗獷啲，但『二撇雞』暫時唔係好接受到！劉松仁當年嘅《陸小鳳》造型就得。」又指新造型看上去感覺舒服。

「覺得個樣猥瑣咗」

拍檔心穎表示洪永城的造型有否「二撇雞」都沒有所謂：「我知佢鍾意冇鬚，佢覺得有鬚個樣可能猥瑣咗！我就覺得幾有新鮮感，但冇鬚係後生啲，拍住我都應該要後生啲嘅。」提到於戲中會被對方調戲，她坦言早年到法國旅行試過遇靚仔搭訕，又指現時會偏向搵中國人做老公，與父母相處上會較容易。

張美妮押後造人

至於張美妮自爆因拍劇，被老公投訴又詐型：「佢問我哋家庭計劃點！我話冇辦法，呢個角色好玩，機會唔係成日有。」又指年初二撞正老公生日，會同家人與他慶祝，4月拍畢劇集後會放假，與老公去旅行。

話明《丫鬟大聯盟》，劇中最多就梗係丫鬟！	後	前

文：影視組