蕊蕊豉椒排骨掌握「蒸」髓

東網巨星節目《星級煮意》廣邀一眾名人紅星大展廚藝,今集請來蕊蕊炮製「豉椒排骨」,甚少下廚的她幸好有軍師幫拖,笑言因冇耐性而常常煮燶嘢!

《星級煮意》新一集請來藝人蕊蕊炮製「豉椒排骨」,自認中菜非強項的她,煮起來有板有眼,原來幕後有個好幫手!蕊蕊特別向家姐求救,專程在場監督提點,她說:「我平時好少落廚,特別少煮中式!今次整呢味餸,其實難度一啲都唔高,最重要有經驗,煮太耐太乾唔好食,唔夠時間又未熟,所以重點係時間要拿捏得好。」

吳綺莉加料醃排骨 鬆晒!

雖然少下廚,但蕊蕊透露較會煮南韓菜:「因為喺南韓住咗一段時間,當時都會煮吓,同埋識啲南韓朋友有教我。(有冇落廚難忘事?)最難忘係成日煮燶嘢!因為我冇耐性,五分鐘都等唔到,成日煮煮吓就走出廚房,聞到燶味先記得煮緊嘢,所以入廚最重要有個鬧鐘提我。」擅煮媽媽菜的「廚媽」吳綺莉表示「豉椒排骨」可謂香港人的家庭菜式,睇完蕊蕊的烹飪手法,她說:「我建議排骨未煮之前加少少生粉同水醃一醃佢,肉質會更鬆同冇咁乾。」

《星級煮意》邀得陶大宇、黃建東、陳嘉桓、陸浩明與女友、陳嘉佳與朱慧敏等亮相,其他名人藝人會陸續登場,示範不同菜式,又有專家提供煮食要訣,娛樂與資訊並重。節目逢星期四更新,大家可透過東網App或東網網頁收看。

豉椒排骨 食譜

材料:排骨、豆豉、指天椒、糖、鹽、蒜頭、芫荽、葱

1.醃排骨要蒜頭、豆豉、豉油、糖、胡椒粉,醃15分鐘。

2.水滾蒸排骨20分鐘。

3.蒸完後切埋芫荽及葱伴碟,大功告成。

文:名人組

https://goo.gl/bFcJ2g