岑杏賢滑雪仆傷 癱足半個鐘
藝人湯洛雯（靚湯）、岑杏賢（Jennifer）日前偕好友到日本北海道滑雪，有滑雪經驗的靚湯陪好友上初級班Snowboard，起初玩得不亦樂乎，但之後發生意外，靚湯及Jennifer分別受傷！
下巴落地失控狂喊
首次滑雪的Jennifer傷得較為嚴重，高速滑行時仆倒，下巴及心口落地，半個鐘未能郁動，其後被送往醫院。她直言受傷時全身疼痛，一度擔心會癱，因此失控狂喊：「送院後初步睇就冇內臟出血，但依家右邊肋骨仲痛緊，打乞嗤都痛，唔知會唔會發炎或者骨裂，依家返到香港要詳細檢查。」她表示上落床都要人幫手扶着，睡覺亦不能轉身，相信要休息數個月才能做劇烈運動，幸好有買旅遊保險。靚湯說：「Jennifer痛到不停喊，我哋好唔開心，但大家一齊照顧佢，感覺係溫暖嘅。」
湯洛雯扭傷膝
至於靚湯落斜時不慎扭傷膝頭，昨日行路仍趷趷吓，她說：「可能對上一次滑雪都係幾年前，太耐冇練，轉重心時扭傷膝頭，之後再玩都會小心啲。」她指今次旅程有笑有淚，有朋友病倒腸胃炎，又有人唔見行李，但最難忘是相識十多年的女性好友被同行的男友求婚，令她感動到喊。
文：影視組