傅明憲升呢滑雪教練呻朋友最惡教
名媛傅明憲熱愛滑雪運動，雖已考獲1級教練牌，但她從未正式收過學生，只間中教授朋友自娛，她說：「如果真係要教學生，要喺滑雪學校返工，要留低住宿，學校先會派學生畀你教，我個牌喺加拿大考，可以喺加拿大、美國或者日本教學生，但起碼要留一個月，太耐。所以我通常只會教吓朋友，唔收費。（教朋友會唔會特別勞氣，因為唔鬧得？）有時講到口水乾，我都會扁嘴o架！有個朋友又驚快又畏高，點教？」
剷雪花留英姿
傅明憲表示經驗所得，發覺身邊的女性比男性更大膽，並有意教小朋友：「因為小朋友冇咁易驚，重心低，會憑感覺去滑，但成人就會不停問好多問題，問完都仲未起身滑。」
最近傅明憲在日本二世古滑雪時，特別請了一位專業外籍攝影師為她拍攝滑雪英姿留念，她對照片效果也感滿意：「以前多數叫朋友幫手影，都係用手機拍，但個朋友就要犧牲冇得玩，今次專登請人幫我影，知道個表情點，下次可以剷起多啲雪花會仲好睇，同埋睇到佢喺邊啲位影會靚，下次我就可以自己做攝影師幫朋友影嘞！」
文：名人組