許廷鏗未開騷諗定嘉賓

歌手許廷鏗（Alfred）昨晚到觀塘apm商場出席《GODIVA make a wish春日甜蜜迎新年》活動，並即席用朱古力醬寫揮春，祝現場觀眾「食極唔肥」，又整朱古力送給歌迷。他透露情人節要在工作中度過，早前他曾表示想去外地叉電，可惜未有時間：「想同班Friend去歐洲旅行，但就要儲定歌先，尋日開始做新碟。」
曾被指肥嘟嘟的許廷鏗，寫「食極唔肥」揮春特別開心！
曾被指肥嘟嘟的許廷鏗，寫「食極唔肥」揮春特別開心！

眼見好友衛蘭、JW及鄭欣宜相繼舉行紅館演唱會，Alfred亦心思思：「希望明年可以開紅館個唱，但現階段要做多啲歌，真係有機會踏上紅館都想自己踏得穩。（想請邊個做嘉賓？）請得一個又得失另一個，最後就成班一齊啦！」

許廷鏗整朱古力冧歌迷。
  • 許廷鏗整朱古力冧歌迷。