蔣嘉瑩湊仔大晒無意全面復出

歌手蔣嘉瑩（Vivian）2000年憑一曲《假如真的有個約會》為人熟悉，早前她在無綫節目《流行經典50年》再度獻唱，掀起網民集體回憶及關注，大讚她唱功依然了得。Vivian直言沒想過觀眾仍記得她：「其實真係冇諗過會有咁大回響，因為好耐冇同一班觀眾見面。」2月她於香港理工大學舉行音樂會，稍後會推出三首新歌，但不會全職復出：「冇諗過話係咪一定要全職唱歌，本身都鍾意唱歌，一有歌癮嘅時候就會走出嚟見吓大家。」

備戰演唱會

Vivian近日積極備戰，即使身為上班一族，百忙中都會抽空練歌：「每次喺錄音室練幾個鐘，雖然唔係日日練，不過有時間都會唱吓幾句當練習。」提到亞視有意重拍《殭屍》，問到有否興趣再唱主題曲？她表示不排除任何可能性：「其實佢哋都係一個大台啦，咁自己首歌都係屬於呢個台出嚟，多一個平台去同一班觀眾見面，都冇話分邊一個台。」

雖然忙於事業，但蔣嘉瑩不會忽略照顧家人。

由尹天照、萬綺雯及楊恭如主演的《殭屍》，一直被視為亞視的經典劇集。

老公呷醋

2014年榮升人妻、育有快將三歲的兒子的Vivian，現時擔任時裝公司買手，既要兼顧家庭及事業，又要抽時間練歌，但她完全不覺得辛苦，並相當享受，更指兒子永遠都是第一位：「一收咗工返去見到囝囝，就會成個人都好有動力，好開心。因為佢好鍾意玩，特別活潑，做咩都會覺得佢得意，唔會覺得佢煩。」Vivian直言囝囝令她每一日都覺得很甜蜜，更大爆老公呷醋：「因為我一返到屋企，囝囝係會一支箭咁衝出嚟攬住我叫『媽咪』，但佢見到爸爸返嚟就好冷淡，搞到爸爸成日都呷個仔醋。」結婚四年依舊甜蜜，Vivian笑指老公是忠實聽眾：「佢成日都會聽我唱歌，希望佢唔會覺得我煩啦！」

文：專案組

攝：司徒國榮