佘詩曼眼火爆 誓玩謝黃子華

由女星佘詩曼及黃子華主演的新片《棟篤特工》發出最新預告片，片中子華飾演「港版占士邦」靚仔又多女埋身，怎料被拍檔阿佘玩針對，被指派不可能任務，阿佘一見子華即眼火爆說：「如果玩你有個限期，我希望係一萬光年！」
佘詩曼對黃子華重刑伺候，C君變「花生友」睇戲。
佘詩曼對黃子華重刑伺候，C君變「花生友」睇戲。

子華以百變形象大放笑彈，為臥底任務與C君齊齊以宅男造型亮相，一頭亂髮配以充滿霧氣的眼鏡，造型惹來拍檔C君恥笑，天生神力的子華即一拳將他打到飛埋牆，相當搞笑！除宅男造型外，子華更有動漫Cosplay、殭屍，以及雙眼被放大的電子頭罩造型，同時慘被阿佘重刑伺候，爆笑連場。

頭髮亂了的黃子華，戴眼鏡扮宅男。
  • 頭髮亂了的黃子華，戴眼鏡扮宅男。