忘年之交 王祖藍黐實蔡和平聽古仔
資深製作人蔡和平推出新書，記錄香港電視圈50年生涯點滴，獲忘年好友王祖藍力撐，二人認識三年只佔人生匆匆一頁，但一見如故成為知己，蔡和平笑言因大家都是「流着電視的血」，亦同樣深愛美食所致。
祖藍笑言最愛約蔡和平食飯「聽古仔」：「《歡樂今宵》我睇到嘅幾乎睇晒，當然係問我出世之前嘅，例如蔡生點同李小龍、張國榮合作嗰啲。最鍾意邊食飯、邊聽故事，順便八吓有咩美食，因為我屋企人好奄尖o架！（太太李亞男好奄尖？）係我媽媽佢哋，次次蔡生介紹都有讚冇彈！」
祖藍指蔡和平打造了《歡樂今宵》及首屆香港小姐選舉，又大讚：「佢做咗好多事，令電視繁榮至今，不過睇住好多節目都失去光環，真係好可惜。」蔡和平則指現代觀眾習慣大不同，難以做到合家歡，電視面對轉型在所難免。
場地：富豪九龍酒店