胡鴻鈞唔撐吳業坤爭「最佳男配角」
胡鴻鈞（Hubert）昨日舉行新碟簽唱會，除了唱歌表演，又與粉絲玩遊戲，見到男粉絲穿上爆肌男Tee，他搞笑用手摸。Hubert又透露忙於灌錄新歌，雖然去年憑劇集《降魔的》「石敢當」一角人氣急升，但今年他想集中在音樂方面發展：「我想食住個勢喺音樂方面，拍劇隨緣啲。（想做咩角色？）好想做專業人士，好似律師嗰啲，但個角色要反差大，除低律師袍就變另一個人嗰啲。」
在無綫頒獎禮中他有份角逐「最佳男配角」，他坦言有份提名已感到開心，反而投了同劇的何遠東一票，問到為何不投老友吳業坤？他說：「唔使我投，大把人投畀佢。（唔怕佢嬲？）佢唔會。（唔投畀自己？）阿東演技精湛，投自己於心有愧。」
