黎燕珊拍劇被整蠱

藝人黎燕珊昨日參加慈善步行活動,首次以無綫藝人身份參加的她,直言興奮又緊張。最近忙於拍攝無綫新劇《十二傳說》的她,與林夏薇、蕭正楠合作,問到會否很辛苦?她說:「依家我啲戲密啲就有啲辛苦,開得夜有消夜食我又唔知,張頴康就整蠱我,話喺日出康城食消夜!」

於英國讀書的囝囝最近返回香港,她大讚囝囝在外地讀書後變得成熟:「佢依家識點照顧我,會拖我、攬我,雖然我冇老公但啲感覺返晒嚟!」她又指想囝囝拍拖,並笑說:「有拖拍先好呀!不過佢依家學業為重!」