黃心美開綠燈叫馬國明上門拜年
娛圈姊妹黃心美與黃心穎昨日齊齊出席慈善步行活動，心穎與馬國明的戀情漸浮面，作為家姐的心美漸開綠燈，直言：「我冇話過唔接受佢！」更叫馬國明在農曆新年來拜年，而心穎亦直認父母對馬國明印象不錯。
無綫與ViuTV昨日分別派出藝員出席慈善百萬行，無綫高層李寶安、樂易玲、杜之克等帶領藝人黎耀祥、黃心穎、黃智雯等數十人出席，場面浩大；而ViuTV亦派出黃心美、夏雨兒子黃奕晨、岑樂怡及詹朗林等出席。
見家長印象唔錯
姊妹黃心美與黃心穎分別代表ViuTV及無綫參加，心美爆料指心穎過往幾年「踢極都唔醒」，故今年對方能出席活動令她感到驚訝！談到農曆新年，心美希望與男友去旅行，可以避開派利是。至於心穎可有相約男友馬國明一起外遊？她說：「要開劇呀，有三日假都要休息吓！」問到可會在新年期間到馬國明家中拜年？她謂可能會。心美亦開綠燈叫馬國明來他們家中拜年，順便派利是。心美被問到是否已經接受馬國明？她說：「我都冇話過唔接受！」心穎則直認沒有問過父母是否接受，不過父母對馬國明印象應該不錯，見過面亦食過飯。
黎耀祥減產
此外，黎耀祥已經參加這活動七、八年，直言有感情，剛從內地登台回港的他，透露將與太太和朋友去日本旅行，而囝囝則準備返美國繼續學業，談到近年無綫不少花旦小生都減產，他直言自己亦會：「唔想好似以前咁係咁衝，想精益求精，重質不重量，又想陪多啲老婆！」
文：影視組