高調戀張寶兒 每段情都學到嘢！

袁偉豪與女友張寶兒打得火熱，但他希望外界關注其工作表現：「喺感情事上，好多人都會覺得我過去好低調，但依家又變得高調、好放閃好恩愛咁，但其實我一直都唔係太想咁多報道有關我嘅感情。」至於他之前亦與圈中人拍拖，問到是否從中有所得着？他稱：「其實每一段感情上，我都會學到嘢，我亦都相信學到嘢嘅，唔單止係我，對方都一定學到嘢。每一個喺我生命中出現嘅人，我都好希望佢哋會好，我都好希望我有能力時可以幫到大家。無論係邊個都好，我都會用另一個方式去支持對方。」
張寶兒早前與袁偉豪以情侶檔出席活動搵真銀。
張寶兒早前與袁偉豪以情侶檔出席活動搵真銀。

他與女友昨早行動一致，分別出席慈善活動，袁偉豪與梁烈唯為「奔向共融馬拉松」主持起步禮。袁偉豪坦言未試過與唯唯一齊跑步，試過跑步到對方家附近，致電欲邀他跑步，竟遭拒絕，唯唯即說：「帶氧運動我鍾意踢波多啲，跑步我會覺得有啲悶。」

梁烈唯（右）坦言不喜歡跑步，試過請袁偉豪「食檸檬」。
  • 梁烈唯（右）坦言不喜歡跑步，試過請袁偉豪「食檸檬」。

張寶兒（左）昨日與男友「分頭行善」，出席慈善活動。
  • 張寶兒（左）昨日與男友「分頭行善」，出席慈善活動。