辣模陳嘉儀收露械照：性感唔等於開放！

擁有35D火辣身材的模特兒陳嘉儀（Tracy）形象性感，不時在網上分享噴血照片派福利，早前她推出個人寫真集，更獲邀到台灣拍寫真向台妹挑機，更是其中一個直播平台的第一名台柱，成功憑性感殺出血路。

幾乎被騙做伴遊

Tracy贏得名氣，代價卻是日日被性騷擾，令她不勝其煩，但她直言無悔性感：「性感唔等於開放，我係想表達藝術感覺嘅性感，女性身體可以拍得好靚、好唯美。」談到如何被性騷擾，她直言各式各樣都有：「有啲開頭係向我示愛，但我冇理，慢慢變成鬧我，有啲仲會講變態嘢，甚至Send埋下體相畀我，又會要求我賣着過嘅內衣褲，有啲甚至唔知點解搵到我個電話號碼，用軟件打畀我，騷擾足全晚，我不停Cut線，最後惟有Block咗佢！」至於飯局邀約，她直言經常收到，有人甚至出價高達幾十萬港元，她又透露之前到台灣差點被騙做伴遊：「試過去台灣接咗幾個Job，其中一個以為係正常工作，點知係要同一個男人做伴遊，我當然冇去到。」

陳嘉儀試過成晚被不明來電騷擾，但無悔性感。	陳嘉儀少做運動亦唔節食，真係天生麗質。	陳嘉儀

從不節食都咁Fit

做性感Model長期要保持最弗身形，但Tracy笑言其實不算多做運動，而且從不節食，她說：「我最鍾意食芝士同朱古力添！覺得食嘢可以減壓，長期有排朱古力喺身，如果係問有咩Keep Fit秘訣，可能係少食多餐，永遠唔畀自己飽！我亦唔會食減肥藥，因為會全身都瘦，連胸都冇埋，寧願由餐單入手。」

文：影視組

攝：吳文聰