安仔冒雨濕身演出
歌手許志安前日到廣州出席《2017粵語好聲音》音樂盛典，適逢寒夜兼落大雨，雖然安仔於紅地氈有擔遮，但仍衣衫盡濕，幸他一向積極健身，故無懼冷風橫雨。
擔任表演嘉賓的安仔唱出《愛你》等幾首名作，歌迷反應熱情令他深受感動：「好似開咗個迷你音樂會，舞台燈光音響都好好，觀眾又熱情，好似已經到咗我3月舉行嘅深圳演唱會咁。」他又表示此行很開心能與前輩林子祥（阿Lam）同場：「我好鍾意阿Lam，但因為唔係同佢同台演出，所以出場前特登搵佢打招呼。」安仔透露除了忙於準備3月的深圳演唱會及5月的溫哥華演唱會外，今年亦計劃再推出廣東大碟。