前亞視藝員洪羅拔不敵癌魔，昨晨因肝癌辭世，享年61歲。其姪女洪小姐受訪時親證死訊，指叔叔堅強抗癌多年：「爸爸都係肝癌上年過身，我諗都有少少家族遺傳，叔叔一直有睇醫生，發現有肝癌時已經做過手術，近來佢又唔舒服，我哋都有心理準備。」因洪羅拔生前信奉密宗，喪禮會採佛教儀式舉行，於本月16日在紅磡世界殯儀館設靈，翌日12時大殮後送往火化。
不少圈中好友對洪羅拔逝世大感惋惜，藝人胡越山與洪羅拔私交甚篤，其兩位同父異母兒子羅天宇兄弟都成為洪羅拔的「契仔」，二人對洪之死訊感愕然及難過。而以「契哥」稱呼洪羅拔的歌手漢洋，直言如失去親人：「當年我出唔到唱片，洪羅拔介紹咗好多台灣嘅唱片公司畀我，所以先去咗台灣發展。」好友杜貞貞亦稱原打算到澳門為他慶生，知對方離世不多病痛，亦算福氣。
而郭政鴻上載二人黑白舊照發文懷念，他受訪時表示：「上一次見係去年生日，佢之前已經講過個肝有事，所以近年好熱衷去搞生日會，希望喺聚會見到一班好朋友。我19、20歲時已識得佢，佢好似一位大哥哥，係佢鼓勵我入行做藝人。」而肥媽瑪利亞則讚賞洪羅拔是位好好先生。