Shine開萬人跳舞P搵杜如風做Dancer

Shine受訪時透露演唱會門票差不多售罄：「剩番啲貴飛單丁位，但預售嗰啲就賣哂，好開心，有朋友問仲有冇飛，其實自己有Hold起咗啲飛。（夠唔夠畀o架？）有啲擔心，有諗過好唔好加場，但呢個期本來搭唔到四面台，最後用盡辦法做到，已經好足夠。」並指本想請恩師陳果導演觀看，但對方已自購十張門票支持。

密密做Gym操肌

談及演唱會的籌備情況，天佑自信心爆棚地表示舞步開始上手：「以舞蹈為主，好似成個Party咁一齊玩，始終係四面台，想同大家交流多啲。」又南則說：「未試過同咁多Dancers跳咁多首歌，希望可以好齊。」此外，他們表示現正與表演嘉賓接洽中，但未能透露名單，問到又南會否請緋聞女友藝人杜如風及珠寶商千金莊莎娜上台？他笑言請對方做Dancer：「杜如風次次都嚟撐場，上次係佢發起跳上張櫈，係警衞話危險要佢落番嚟。」為營造壓台感，他們密密做Gym操肌，並預告加入舞台劇元素。

文：音樂組