林師傑求婚成功年尾娶歐陽巧瑩

林師傑封盤，因歐陽巧瑩已答應下嫁。

戴起戒指一齊捱

昨日師傑接受電話訪問時以「老婆」稱呼歐陽巧瑩，更自爆兩人早在個幾月前已訂婚，不過求婚及訂婚過程都好簡單：「喺幾個月前，我做完嘢喺車度問佢：『其實你有幾想同我結婚？』佢話：『我都一早認定咗你o架啦！』跟住我哋開始計劃呢樣嘢，過兩日就去買鑽石求婚戒指，擺喺屋企，諗住遲啲補個求婚儀式。但有晚我又抵唔住頸，既然開心嘢不如快啲享受喜悅，就送咗（戒指）畀佢，訂婚都冇乜儀式，佢對花敏感，所以冇送花，但有跪地。」至於大婚日子訂於2018年年尾，但未決定會否大排筵席。

他倆開始拍拖期間師傑事業正處於低潮，家中又發生事故，令外界「睇死」這段情，師傑表示幸好二人互相鼓勵下成長，他更發表愛的宣言：「有信心佢會同我一齊捱。」且承諾以後會變得更乖，以前的緋聞全是「假象」。而歐陽巧瑩在男友陪同下受訪，指收到不少祝福，又讚師傑是個可付託終身的對象。她說：「其實係佢帶我去買嗰隻約5位數嘅求婚戒指，買完放喺屋企當眼處，佢不時叫我拆開嚟戴，有一晚我哋傾偈，回憶3年嚟一齊經歷咗好多，我哋唔止係情侶，更加係靈魂伴侶，覺得係時候喇，就戴起咗隻戒指！」

星夢唱片公司老闆何哲圖（右）大爆林師傑（左）求婚成功。

歐陽巧瑩愛性感示人，升呢人妻後「福利」可能大減了。