41歲美國著名鄉謠男歌手Luke Bryan日前於社交網上載短片，公開自己為老婆Caroline Boyer送上兩隻袋鼠BB作為驚喜聖誕禮物，但Luke火速被網民鬧爆殘忍，有人留言表示：「年輕嘅袋鼠係高度焦慮嘅動物，如果被未經受訓嘅人照顧，通常好快就會死！」
而Luke懶理批評，翌日再上載袋鼠BB包住尿片於火爐前休息的照片，結果再被圍插，有網民留言：「佢哋最唔想就係着住尿片喺別人嘅客廳度……只係覺得殘忍。請你幫佢哋除尿片，實在好悲哀見到咁樣。如果你唔願意為佢哋清理，你就唔應該照顧佢哋。」亦有人直言袋鼠並非寵物，就算是孤兒亦只應處身收容所。
至於善待動物協會（PETA）的副主席Colleen O'Brien前日亦發聲明批評Luke，明言袋鼠並非玩具，呼籲有關當局調查袋鼠BB的來源。