龔嘉欣預告擺酒免鄧健泓人情
藝人龔嘉欣、劉佩玥（Moon）和黃心穎等前晚在北角出席無綫新劇《堅離地愛堅離地》煞科宴。提到有指Moon開工時掛住打機，被監製怒剷兼被龔嘉欣藐爆，Moon受訪時指說法無中生有，更強調龔嘉欣很Nice，從未藐過她，她說：「雖然佢細過我，但經驗豐富過我好多，有需要提點我時都會好直接講出嚟，佢成熟過我好多，亦好肯照顧我。」
龔嘉欣指空閒時間打機絕不為過，並說：「我仲請教佢點樣玩得勁啲，不過其實每拍一套劇唔係傳緋聞就傳不和(口架)啦！」提到拍檔張振朗受傷後擔心因休息而腹肌縮水，龔嘉欣自爆見過其「朱古力」真身，更笑言「好味」。
「比較少聯絡」
另外，提到舊愛鄧健泓前晚與石詠莉結婚，龔嘉欣即指對方沒有請她去飲：「我諗住做人情，點知佢冇請！但其實係比較少聯絡嘅， 都好祝福同恭喜佢哋。」又指將來自己結婚時會邀請對方飲，但會叫他不用做人情，好讓雙方前後「打個和」，非常大方。
文：影視組