文詠珊零下20℃甜蜜慶生

文詠珊與男友浪漫旅行，男友更特別叫廚師整生日蛋糕送驚喜。

談到生日當天，JM透露兩人吃晚飯慶祝：「原來嗰邊係冇蛋糕可以買，所以個蛋糕係一個驚喜，叫廚師特別整，好有心思。（男友送咩禮物？）係秘密，因為之前工作好忙，今次成個行程都係佢安排，所以好開心，而且我哋之前冇真正兩個人過聖誕。」JM稱一直很想到聖誕老人村，今次終於可圓心願，過一個冰天雪地的聖誕，又可以看到麋鹿及踏足北極圈，十分難忘！

JM指當地氣溫十分寒冷，夜晚只有零下20度，要出動超級保暖大褸才能禦寒：「真係好凍好凍，隻手就算戴咗手套都冇知覺，我本身好怕凍，好在攞番所有行李，我件褸好堅，由頭包到腳，着到好似隻糉咁。」

文詠珊與巨型雪人合照。	文詠珊一嘗坐雪橇的滋味。	童心未泯的文詠珊與麋鹿對望。