Tim@Dear Jane岳父做換心腎手術

現與囡囡身在加拿大的藝人楊洛婷，在網上發文透露爸爸剛做完12小時的心臟移植和腎移植手術，仍未甦醒，其老公樂隊Dear Jane主音黃天翱（Tim）前晚表示手術順利：「兩樣嘢都一齊有，又同佢身體脗合，我覺得係Miracle（奇迹）。（醒咗未？）未醒，醫生話做完手術後要一段時間。」而楊洛婷昨日接受電話訪問表示父親一直輪候心臟及腎臟移植：「27號係我個女嘅百日宴，當日突然接到醫院電話，話有合適心臟同腎臟，要即時進行手術。我哋好感恩，9月先排期，咁快就有合適，係最好嘅新年禮物。」