周彥@Bingo拉丁舞滿足表演欲

跳唱組合Bingo的成員周彥（Christy）自小接觸不同舞蹈，其中特別鍾情拉丁舞和標準舞，更屢獲獎項，絕對是「舞林高手」。問到何時開始跳拉丁舞？Christy說：「我細個已經跳唔同舞種，多數就跳啲群體舞，好似中國舞、西方舞，不過自己嘅表演欲強，覺得群體舞滿足唔到自己，而有次機緣巧合下接觸拉丁舞，覺得可以更加突出自己，咁一跳就跳咗十二年。」
周彥坦言覺得跳拉丁舞更能突出自我，故十分喜歡。
周彥坦言覺得跳拉丁舞更能突出自我，故十分喜歡。

擁有多年跳舞經驗的Christy，有不少印象難忘的經歷，她說：「最難忘絕對係2009年嘅東亞運動會，當時我16歲，亦係標準舞入面年紀最細嘅參賽者，雖然最後只係拎第四，不過能夠同唔同國家選手較量，絕對係一個好好嘅經驗。」她更曾奪得香港傑出少年的殊榮，但其最終目標是希望透過自己的跳舞室，令更多小朋友對拉丁舞有所認識。

熱愛跳舞的周彥，曾獲不少獎項。
  • 熱愛跳舞的周彥，曾獲不少獎項。