「多謝講我壞話嘅人」盧巧音跑出谷底
歌手盧巧音（Candy）前晚於麥花臣場館為一連兩場的演唱會舉行尾場演出，獲老公Sammy和林曉培撐場，全場爆滿。甫開場，Candy以一襲白色長裙出場獻唱《送魂經》，其後換上銀灰色造型配合「土」的主題，並在飄雪效果下唱出《三國誌》、《落地開花》及《垃圾》等耳熟能詳的歌曲。她突然感性地指今年已經43歲，去年才開始跑步，而跑步對她來說，已由運動演變成人生的重要關卡，亦希望歌迷要記得自己的價值。
感慨入行廿年
去到中段，Candy慨嘆入行20年遇到好多人，並感激講過她壞話的人：「我以前對人唔係好好，有啲朋友因為我對佢哋唔好而對我唔好，不過只要你珍惜朋友就唔會對佢哋唔好。我要多謝愛我、憎我、講我好話、壞話嘅人，畀咗唔同嘅人生功課我。」全場拍爛手掌。最後，她換上紅色斜肩Jumpsuit拿着結他自彈自唱，並唱出《800伴》，為演唱會畫上圓滿句號。
安排老公賣紀念品
受訪時，Candy表示開兩場演唱會不夠喉，但因為場地檔期問題而未能加場，希望明年再開騷。問到為何不邀請老公做嘉賓，她笑說：「佢18號先做完嘢返嚟，原本都有安排佢上台嘅，但係冇時間練，所以安排咗佢賣嘢（紀念品）。（喺台上冇多謝佢？）佢話唔使。」提到頭場邀請到周國賢做嘉賓，Candy很感激對方做完嘉賓就立即要趕飛機離港。問到是否特別邀請遇過低潮的朋友做嘉賓時，她指從事創作的藝人情緒較容易波動，但現時自己的情緒已經沒有受影響，坦言：「自己OK晒，冇嘢o架啦，做運動好好多，開心啲，跑步唔會胡思亂想！」
文：音樂組
攝：鄭家俊