怒炒冇愛心唔衞生陪月 陳曼娜自己湊外孫女
藝人陳曼娜女兒鄭祖兒今年8月誕下囡囡Kaelyn，前晚曼娜為外孫女舉行百日宴，由於親友眾多，她特意另設一圍款待圈中好友，如藝人羅霖、林建明、安德尊、胡楓、名人鄭明明等，十分熱鬧。見到小主角Kaelyn穿上虎紋裝束，不時伸脷賣萌，難怪眾賓客愛不釋手爭住抱！
問到曼娜送了甚麼禮物給外孫女？她笑言送了「愛心」：「我一向話唔會湊孫，只會玩孫。但係之前請嘅陪月兼保母原來冇愛心同唔衞生！我女婿喺閉路電視睇番片，好心痛！一時間搵唔到人照顧，嗰時我就拍心口承擔呢個責任。」她指該名陪月為B女換片前後也沒有洗手，甚至B女洗澡時在盆中瀨尿，對方亦沒有換乾淨水，導致B女皮膚敏感。但由於是透過朋友私人途徑介紹，故沒有作出投訴，她續說：「呢兩個月我冇跳舞，不過我就嚟卸任，過完年會有個湊咗小朋友20年經驗嘅菲傭嚟，到時我可以繼續享樂！」
