張紋嘉做主持怕冇功課交

藝人張紋嘉昨日到奧海城出席歌舞片特別場，提到將為亞視主持音樂節目《激活音樂》，她表示最近開始籌備，讚幕後有商有量似家庭的感覺：「自己唔識講嘢好驚，畀人訪問同訪問人係好大分別！自己都試過心諗人哋冇做功課。」她又透露邀請HotCha隊友上節目：「出年我哋三個會有啲搞作，希望會開騷，但年紀大又唱又跳同排舞都擔心體力，諗番以前一日跑九個活動，又跳舞又唱歌都想嘔。」
張紋嘉挑戰做主持，笑言畀人訪問就多！
張紋嘉挑戰做主持，笑言畀人訪問就多！

同場的陳庭欣早前為無綫到英國參與拍攝電影主題曲MV，她自言好彩：「可能我喺英國讀過書，心情仲緊張過參選港姐！嗰幾日都冇乜時間瞓。」提到抱抱荷里活影星曉積文（Hugh Jackman），她讚對方高大靚仔，可惜沒有合照。

陳庭欣搵番「曉積文」合照。
  • 陳庭欣搵番「曉積文」合照。