馬國明恨連體攞獎 嗌高情侶價

無綫《萬千星輝頒獎典禮2017》將於明年1月21日舉行，將頒發14個獎項，其中「最佳男、女主角」、「最佳劇集」、「最受歡迎電視男、女角色」、「最受歡迎劇集歌曲」及「最受歡迎電視拍檔」等將由全港市民透過big big fun app及TVB評委會投票選出。大會還新增「全城網民最喜愛劇集」獎，由big big channel用戶及TVB評委會票選。

唔Buy奪視后：慢慢嚟啦！

視帝大熱馬國明今年入圍「最佳男主角」及「最受歡迎電視男角色」，女友黃心穎則入圍「最佳女主角」及「飛躍進步女藝員」獎，與高海寧及朱晨麗等爭奪「女飛躍」。馬國明受訪時坦言會叫心穎投自己一票，亦希望對方能奪得「女飛躍」獎。至於可會支持女友奪「視后」？他竟大潑冷水：「視后慢慢嚟啦！太快攞網友唔認同仲慘！（想一齊攞獎？）梗係想啦！之後登台又可以收貴啲！我要儲錢買多層樓！」提到早前被拍到一星期做三次Facial，馬國明笑說：「係一個星期做一次，我係代言人嘛！」又指心穎忙於拍劇，故兩人未有約會，提到有傳逼婚一事則說：「我哋連結婚都未討論過！」

我胸懷大志，實攞畀你睇！	馬國明突然玩無厘頭衰咗，畀人笑番轉頭。	陳展鵬與胡定欣入圍「最受歡迎電視拍檔」，贏面甚大。

視帝另一熱門陳展鵬今年還獲提名「最受歡迎電視拍檔」、「最受歡迎劇集歌曲」及「最受歡迎電視男角色」，男角色獎項對手包括《賭城群英會》的陳百祥（阿叻）、《使徒行者2》的苗僑偉及袁偉豪等，展鵬對此說：「其實上兩年提名視帝係同黃秋生一齊，同咁有分量同攞過咁多獎嘅人提名已係榮幸，今次同阿叻一齊提名角色獎，佢嘅戲陪住我成長，有呢啲前輩一齊提名，真係感恩同榮幸。」

王浩信賽前拉埋唐詩詠同獎座玩自拍。	朱晨麗	朱晨麗與湯洛雯提名「飛躍進步女藝員」，掀起一番惡鬥！

拉票畀舊愛寸

另外，《誇世代》一對拍檔陳豪與歐陽震華入圍「最受歡迎電視拍檔」，馬國明與胡鴻鈞亦憑《降魔的》入圍，但馬國明在台上拉票時無厘頭說：「最好頒畀嗰日出席頒獎禮嘅全部藝員，因為大家都係拍檔！」舊愛胡定欣即寸他：「你講咩呀！」場面搞笑。

文：影視組